ai mohabbat tere anjaam pe ronaa aayaa
jaane kyoN aaj tere naam pe ronaa aayaa
[anjaam = result]
yooN to har shaam ummeedoN meN guzar jaatii thii
aaj kuchh baat hai jo shaam pe ronaa aayaa
[ummeed = hope]
kabhii taqadeer kaa maatam kabhii duniyaaa kaa gilaa
manzil-e-ishq meN har gaam pe ronaa aayaa
[maataam = mourning; gaam=step]
jab huaa zikr zamaane meN mohabbat kaa 'Shakeel'
mujh ko apane dil-e-naakaam pe ronaa aayaa