Blog Archives

Mehfil-e-Ghazal - 5th January, 2013

1/5/2013

jeene kaa raaz maiN ne mohabbat meN paa liyaa - Muzaffar Shahjahanpuri

jeene kaa raaz maiN ne mohabbat meN paa liyaa
jis kaa bhii Gam hu_aa use apanaa banaa liyaa

tum Gam kaa bojh ro ke bhii halkaa na kar sake
maiN ne haNsii ki aaR meN har Gam chhupaa liyaa

sunaane ko jab na ko_ii milaa daastaan-e-Gam
aa_iinaa rakh ke saamane Khud ko sunaa liyaa

9 Comments

Mehfil-e-Ghazal - 3rd January, 2013

1/3/2013

5 Comments

tuune kuchh bhii na kahaa jo jaise - Sufi Ghulam Mustafa Tabassum

tuune kuchh bhii na kahaa jo jaise
mere hii dil kii sadaa ho jaise

yooN terii yaad se jii ghabaraayaa
tuu mujhe bhool gayaa ho jaise

is tarah tujh se kiye haiN shikawe
mujh ko apane se gilaa ho jaise

yooN har ek naqsh pe jhukatii hai jabeeN
teraa naqsh-e-qaf-e-paa ho jaise

tere hoNThoN kii Khafii sii larzish
ik haseeN sher hu_aa ho jaise

5 Comments

Mehfil-e-Ghazal - 1st January, 2013

1/2/2013

1 Comment

chalate ho to chaman ko chaliye kahate haiN ke bahaaraaN hai - Meer

chalate ho to chaman ko chaliye kahate haiN ke bahaaraaN hai
paat hare haiN phool khile haiN kam kam baad-o-baaraaN hai

rang hawaa se yooN Tapake hai jaise sharaab chuwaate haiN
aage ho maiKhaane ke nikalo ahad-e-baad_gusaaraaN hai

dil hai daaGii jigar hai TukaRe aaNsoo the so Khoon huye
lahoo paanii ek kare ye ishq-e-laal-o-azaaraaN hai

kohakan-o-majanoo kii Khaatir dasht-o-koh meN ham na gaye
ishq meN ham ko 'Meer' nihaayat paas-e-izzat_daaraaN hai

Wishing all our readers a very happy, peaceful and prosperous New Year!

1 Comment

Mehfil-e-Ghazal - 5th January, 2013

Mehfil-e-Ghazal - 3rd January, 2013

Mehfil-e-Ghazal - 1st January, 2013

Mehfil-e-Ghazal

Archives

Categories