neeyat-e-shauq bhar na jaaye kahiiN
too bhii dil se utar na jaaye kahiiN
aaj dekhaa hai tujhe der ke baad
aaj kaa din guzar na jaaye kahiiN
na milaa kar udaas logoN se
husn teraa bikhar na jaaye kahiiN
aarazoo hai ke too yahaaN aaye
aur phir umr bhar na jaaye kahiiN
jee jalaataa hooN aur ye sochataa hooN
raayegaaN ye hunar na jaaye kahiiN
aao kuchh der ro hii leN 'Nasir'
phir ye dariyaa utar na jaaye kahiiN