Mehfil-e-Ghazal

Mehfil-e-Ghazal - 12th February, 2013

2/12/2013

sar jhukaaoge to patthar devataa ho jaayegaa - Bashir Badr

sar jhukaaoge to patthar devataa ho jaayegaa
itanaa mat chaaho use wo be-wafaa ho jaayegaa

ham bhii dariyaa haiN hameN apanaa hunar maaloom hai
jis taraf bhii chal paRenge raastaa ho jaayegaa

kitanii sachchaa_ii se mujh se zindagii ne kah diyaa
tuu nahiiN meraa to ko_ii doosaraa ho jaayegaa

main Khudaa kaa naam le kar pii rahaa hooN dosto
zahar bhii is meN agar hogaa dawaa ho jaayegaa

rooTh jaanaa to mohabbat kii alaamat hai magar
kyaa Khabar thii mujh se wo itanaa Khafaa ho jaayegaa

1 Comment

Zubair Aashir

7/11/2013 04:32:41 pm

Ajeeb rang hai December ki sard shaam ka
Chhalakti aankh ke manzar hai bharay jaam ka

Yeh badan jis qadar bhi thak ke choor ho jaye
Dil nahin laita magar naam ab aaraam ka

Jis ke jo bus mein hai wo loot kar le jata hai
khof kis ko raha ab yahan anjaam ka

Aaj phir toota aik wada chot phir khaaii
Dil magar muntazir hai ik naye payaam ka

Teri dharkan meri dharkan mein jo hui majzoob
Mera ye naam hua hissa teray naam ka

Daikhna hai kisay taufeeq milay gi haq ki
Kon kehlaye ga haqdaar ab inaam ka

Uss se kyun kar ho phir kalaam ke jis ne mujh ko
Jawaab tak na diya ho meray salaam ka

Tu ne jo zulm kiye un ka tu hisaab to de
Dor phir chal para hai un ke inteqaam ka

Bohat be-maani hai Aashir ye shayeri tujh bin
Faqat tu hi to hai mehvar meray kalaam ka

Mehfil-e-Ghazal - 12th February, 2013

Leave a Reply.

Archives

Categories