Category:

Mehfil-e-Ghazal - January 11th, 2020

1/11/2020

neeyat-e-shauq bhar na jaaye kahiiN - Nasir Kazmi

neeyat-e-shauq bhar na jaaye kahiiN
too bhii dil se utar na jaaye kahiiN

aaj dekhaa hai tujhe der ke baad
aaj kaa din guzar na jaaye kahiiN

na milaa kar udaas logoN se
husn teraa bikhar na jaaye kahiiN

aarazoo hai ke too yahaaN aaye
aur phir umr bhar na jaaye kahiiN

jee jalaataa hooN aur ye sochataa hooN
raayegaaN ye hunar na jaaye kahiiN

aao kuchh der ro hii leN 'Nasir'
phir ye dariyaa utar na jaaye kahiiN

0 Comments

Mehfil-e-Ghazal - 11th October, 2012

10/14/2012

0 Comments

tere aane kaa dhokhaa saa rahaa hai - Nasir Kazmi

tere aane kaa dhokhaa saa rahaa hai
diyaa saa raat bhar jalataa rahaa hai

ajab hai raat se aaNkhoN kaa aalam
ye dariyaa raat bhar chaRhataa rahaa hai

sunaa hai raat bhar barasaa hai baadal
magar wo shahar jo pyaasaa rahaa hai

wo ko_ii dost thaa achchhe dinoN kaa
jo pichhalii raat se yaad aa rahaa hai

kise DhooNDhoge in galiyoN meN "Nasir"
chalo ab ghar chaleN din jaa rahaa hai

0 Comments

Mehfil-e-Ghazal - January 11th, 2020

Mehfil-e-Ghazal - 11th October, 2012

Mehfil-e-Ghazal

Archives

Categories