Mehfil-e-Ghazal - 20th October, 2012

hamaare saath jise maut se ho pyaar chale - Shamim Jaipuri

hamaare saath jise maut se ho pyaar chale
ko_ii chale na chale ham to soo-e-daar chale

na daur-e-jaam na ab qissaa-e-bahaar chale
unhiiN kaa zikr chale aur baar baar chale

hamiiN chaman meN payaam-e-bahaar laaye the
chaman se le ke hamiiN hasarat-e-bahaar chale

ye Gam nahiiN ki yahaaN kuchh hameN amaaN na milii
Khushii meN aise terii anjuman saNwaar chale