Mehfil-e-Ghazal - 13th November, 2012

Akbar Allahabadi, in a letter to his friend, requesting him to send some mangoes during the mango season

naamaa na ko_ii yaar ko paiGaam bhejiye
is fasl meN kuchh bhejiye to bas aam bhejiye
aise zaroor hoN ki unheN rakh ke khaa sakooN
puKhtaa agar hoN bees to das Khaam bhejiye

maaloom hii hai aap ko bande kaa "address"
seedhe "allahabad" mere naam bhejiye
aisaa na ho ki aap kaheN jawaab meN
taameel hogii pehale magar daam bhejiye